tg-me.com/booha98/59731
Create:
Last Update:
Last Update:
زي الايام دي كنا بننجد المخدات والمراتب للعيد،، ريحة البيت بتكون ريحتها (نضافة نضافة).. ريحة الجرايد المبلوله النضفنا بيها الفضية والحافلة ، الجرايد الشاحدنها من بندق خالي
ريحة السِّنر الضربنا بيهو الخشب،ريحة البوهية في الأبواب,,ريحة الكافورة فايحة من الكعك،،ريحة بسكويت النشادر،،ريحة هدوم العيد،،ريحة السرتية والحنة..ريحة (الزبالة المخمّرة )للياس الجالوص ريحة تباشير الأعراس ،،وبدايات حِنن العرسان،،شفع الفريق بكنّسوا في الشوارع وبتباروا فيما بينهم خشم باب منو الأنضف،،
الحركة الكتيرة للركشات ماشة و راجعه من السوق،،الزحام عند الترزية وزرة الترزي يوم الوقفة للجلاليب،،عزة الحلاق،،زحمة الأفران وصف صواني الخبيز،،
يارب تعود اعيادنا زي ما كانت وتاني البارود دا ما نشم ريحته إلا في اعلان الصُّفاح.
BY اوعي تكشر 😂💔
Warning: Undefined variable $i in /var/www/tg-me/post.php on line 280
Share with your friend now:
tg-me.com/booha98/59731